2013年6月15日星期六

回顧與展望

寫低,記住那些時日,記得後悔甚麼,至懂得珍惜、做好自己

學術
我覺得自己差不多是零架喇,第一年上黎迷茫又迷失,加上同一班損友臭味相投,而自己又不識自律自制,結果成績係普通甚至喺其他同學眼中應該係好差下的。下個sem認真、上足堂,貢獻下比gpa,又裝備下自己。

人際關係
太快。可能係因為住宿,好常見住同一堆人,就以為叫係朋友。其實都係一大堆酒肉partner。接受唔倒他有人私心,其實自己都會有,何苦。但係呢組人嘅關係已經番唔倒轉頭

熟略嘅同系有四個,同宿有四個,系中其他同學...做present的gpmate....都是hibye多,未來一年唔住hall應該更難識新朋友...或者組仔女加組爸媽partner,不會抱大期望先,始終轉了學制,自己又不是熱情撚

上到黎,建立良好人際關係>結交朋友,sad but very true

家庭
"相見好",那是100%的正確,未來....盡量保持適當空間
從前都會覺得家人一定是要融洽和諧,然而,就算同承血脈也不代表大家的關係一定要親密不可分,相處融洽的朋友都係經過選擇的,對於不能選擇的親人,其實又真的不一定要強求和睦美滿

住宿生活
同室而居,新體驗,由開頭帶點敵意,到最後,總算和她成了朋友,感恩的是她能包客的的缺點,和她相處十分自在,可以說是習慣了她,坦白講可以的話final year再跟她住也不錯,托賴和隔離房的二人關係也不錯,這是幸運的

走到南宿去的日子,老實說真的有點無謂,聊天聊到深入的話題時都還好,但一開學時那種動不動就通頂、而過程是無甚得著的那些晚上.....

那些晚上,我算不上是核心人物(核心人物或者就只有那三四個,註:我並非被排除在外的唯一),但每晚我都不甘寂寞的走去南宿,想來自己也是on9的,尤其是識洞悉了雷、看透了胡,更覺自己on9

工作
那肯定是零,未來....能找到part time嗎,要.....找補習嗎,未知之數。推遠一點,畢業後,要做咩呢......remain unknown

沒有留言:

發佈留言